ဒီနေ့ သီတင်းကျွတ်လပြည့်နေ့ဆိုတော့ သီရိရဲ့ သီတင်းကျွတ်အကြောင်း ရေးချင်စိတ်ပေါက်လာလို့ ရေးလိုက်ဦးမယ်နော်။ သီတင်းကျွတ်ကို ကြိုက်ရတဲ့ အကြောင်းအရင်းကတော့ အများကြီးပါ။ အဓိကကတော့ သီရိမွေးနေ့ရှိလို့ပါ… အသက်တစ်နှစ် ပိုကြီးသွားတာ ကြိုက်လို့ လို့တော့ မထင်လိုက်ပါနဲ့။ မွေးနေ့လက်ဆောင် ရပြီး မွေးနေ့ကိတ်မုန့်စားရလို့ပါ.. ဟီး။ ဒုတိယ အချက်ကတော့ ကျောင်းပိတ်ရက်ရှည် ရလို့ပါ။ ပြီးတော့ သီတင်းကျွတ်မှာ ဗျောက်ဖောက်ရတာကိုလည်း ကြိုက်တယ်… အိမ်ကို မီးထွန်းပြီး အလှဆင်ရတာကိုလည်း ကြိုက်တယ်။ ကလေးတုန်းကတော့ မီးပုံးကား ဆွဲရတာကိုလည်း ကြိုက်တယ်။
အဲ.. မီးပုံးကား ဆွဲတဲ့ကိစ္စကို ပြောရပါဦးမယ်… သီရိက အရမ်းဆိုးတယ်.. ငယ်ငယ်က… သီတင်းကျွတ်မှာ မီးထွန်းရတာ ၃ရက်မဟုတ်လား… အဲ့လိုဆို သီရိက တစ်ရက်ကို မီးပုံးကား တစ်မျိုး ဆွဲချင်တဲ့ အကျင့်ရှိတယ်။ မီးပုံးကား သေးသေးလေးက အစ… ဟိုးအကြီးကြီးထိ ဆွဲချင်တာပါ။ အဲ့လိုဆိုတော့ အကြံအဖန် လုပ်ရတာပေါ့။ မေမေက မီးကား၂ကား ပြိုင်တူ ဘယ်တော့ ဝယ်မပေးပါဘူး။ အဲ့လိုဆိုတော့ကာ တစ်နေ့တစ်ဆိုင် မရောက် ရောက်အောင် အကြံအဖန် လုပ်ပြီး သွားတာပေါ့… ဟီး။ မေမေကလည်း တစ်ရက်တစ်ခု ဆိုရင်တော့ ဝယ်ပေးတယ်… ထူးဆန်းတယ်နော်။
သီရိဆွဲဖူးတဲ့ မီးပုံးကား ပုံစံတွေကတော့ စုံနေတာပဲ.. ယုန်သေးသေးလေးက အစ သင်္ဘော အကြီးကြီးအထိ...မေမေက တိုးနယားရုပ်တွေကို သေချာမှာပေးဖူးတယ်။ အမွေးတွေ တွဲလောင်း တွဲလောင်းနဲ့… ညီမတစ်တွေ တစ်ယောက်၁ရုပ် ရောင်စုံတိုးနယားတွေကို ဆွဲခဲ့ဖူးတာ သတိရမိပါသေးတယ်။ ဒါပေမယ့် အဲ့ တိုးနယားတွေက ၃ရက်ခံတာ အတော်ရှားတယ်။ သူက အမွေးတွေနဲ့ ဆိုတော့ လောင်တာပေါ့။ မီးပုံးကားဆွဲရတာ ရန်ခုန်ဖို့ ကောင်းတာ အဲ့ဒါပါပဲ။ အရုပ်တွေ မီးလောင်ပြီဆို ကြောက်ကြောက်နဲ့ ဝိုင်းတက်နင်းရတာလည်း feeling တစ်မျိုးပါပဲ… ဟီး။ ကလေးလေးတွေက ရီဖို့ ကောင်းသလို ချစ်ဖို့လည်း ကောင်းတယ်… အဲ့အရုပ်လေးတွေကို မီးထွန်းပြီး အိမ်ရှေ့မှာ လျှောက်ပတ်နေရတာကို ပျော်နေကြတာ။
သီရိရဲ့ သီတင်းကျွတ် အဖြစ်အပျက်တွေ ပြောရရင်တော့ မကုန်နိုင်အောင်ပါပဲ။ ဒါပေမယ့် ထူးဆန်းတာ လေးတွေပဲ ရွေးပြောပြမယ်။ တစ်ခါတုန်းက သီရိရဲ့ စကပ်အဝဲကြီးကို မီးမစွဲမလိုလို ဖြစ်လို့ ရန်ခုန်လိုက် ရတာလည်း အမော။ နောက်ပြီး အိမ်က အဒေါ်တစ်ယောက်… ဝရန်တာမှာ ချိတ်ထားတဲ့ မီးပုံးကို မီးစွဲပြီးလောင်နေတာကို မသိပဲ အဲဒီ့အောက် တည့်တည့်မှာ သွားရပ်နေရော။ အဖြစ်ကဆိုးချင်တော့ အားလုံးက ဝိုင်းအော်နေတဲ့ကြားက အဲ့အောက်မှာ ဆက်ရပ်နေပါတယ်… result ကတော့ သူ့ဆံပင်ကို မီးစွဲသွားတာပေါ့။ အပေါ် မီးပုံးက ကျတဲ့ မီးစလေ… ဟီး ဝုန်းကနဲ ဦလေးတစ်ယောက်က သူ့ကို ရေနဲ့ ပက်တော့ အူကြောင်ကြောင်နဲ့ ကြည့်နေပါသေးတယ်။ သူ့ဆံပင် မီးစွဲနေတာကို သူကိုယ်တိုင်က မသိသေးဘူးလေ။
နောက်တစ်နှစ်ကတော့ မီးသရဲဆော့တာ နာမည်ကြီးတဲ့နှစ်ပါ။ အဲ့တော့ မီးသရဲလုပ် ကြတာပေါ့။ ဟီး.. အလုပ်လွန်တာ.. အမဝမ်းကွဲ ထိပ်ပြောင်သွားပါရော… ဆံပင်ဆို သေအောင်နှမြောတတ်တဲ့ သူ့ကျမှပဲ ဆံပင်ပြောင်သွားရတယ်လို့… ဖြစ်လည်း ဖြစ်တတ်ပါဘိ။
အပျော်ဆုံး သီတင်းကျွတ်လပြည့်နေ့ကတော့ သီရိမွေးနေ့နဲ့ လပြည့်နေ့ တစ်ထပ်တည်း ကျခဲ့ဖူးတဲ့နေ့ပါ။ အခန်းတစ်ခန်းလုံးကို မီးမှောင်ချပြီး… မီးပန်းလေးတွေက ရတဲ့ မီးရောင်နဲ့ပဲ မွေးနေ့ကိတ် ခွဲခဲ့ဖူးပါတယ်။ အရမ်းကို ပျော်စရာကောင်းတဲ့ မွေးနေ့လေးပါ။
သီတင်းကျွတ်မှာ မုန်းတာကတော့ ကားထဲကို ဗျောက်ပစ်ထည့်တာတို့… လမ်းလျှောက်နေတဲ့သူဆီကို ဗျောက်လှမ်းပစ်တာတို့… သူများ ဆိုင်ကယ်ခြင်းတဲ့ ဗျောက်ထည့်တာတွေကို မုန်းပါတယ်။ အဲ့ဒါကတော့ လူတွေရဲ့ လုပ်ရပ်ကို မုန်းတာပေါ့နော်။ သဘာဝကိုလည်း မုန်းပါသေးတယ်။ သီတင်းကျွတ် မီးထွန်းတဲ့ညမှာ မိုးရွာလာလို့ကတော့ အဲ့မိုးကို သေအောင် ကြိမ်ဆဲပြီမှတ်။
သီတင်းကျွတ်မှာဆို လူကြီးမိဘ ဆရာသမားတွေကို လိုက်ကန်တော့ရတာကိုလည်း နှစ်သက်မိပါတယ်။ သွားမကန်တော့ခင်ကတော့ ကလေးပီပီ သွားရမှာ ပျင်းတာပေါ့။ ရောက်သွားပြီဆိုရင်တော့ တော်တော်နဲ့ မပြန်ဖြစ်တော့ပါဘူး။ ချကျွေးသမျှ မုန့်တွေ ထိုင်စားနေလို့လို့တော့ မထင်ပါနဲ့ (တကယ်တော့ ထိုင်စားတာပါပဲ… ကြိုက်တဲ့ဟာဆို ထပ်တောင် တောင်းသေးတယ်… ဟီး)။ မတွေ့တာကြာတဲ့ လူကြီးသူမဆရာသမားတွေနဲ့ တွေ့တော့ စကားကောင်းနေတာပေါ့… တော်တော်နဲ့ ပြောလို့ မပြီးပါဘူး။ ဟီး… တကယ်ပြန်စေချင်ပြီ ဆိုရင်တော့ မုန့်ဖိုးပေးပေတော့… မုန့်ဖိုး မရမချင်းလည်း ထပြန်မှာ မဟုတ်လို့ပါပဲ။
ကဲ… ဒါလောက်ပဲ ပြောတော့မယ်နော်… ရေးတာလည်း တော်တော်များပြီ။ ဖတ်ရတဲ့သူလည်း ပျင်းလောက်ပြီ။ ရေးတဲ့သူလည်း ပျင်းလာပြီဆိုတော့ကာ… တာ့တာ။
