Tuesday, November 18, 2008

လွမ်းမောစရာ အထက်တန်း ကျောင်းသား ဘဝ

အခုတလော စာကများပါတယ် ဆိုမှပဲ လုပ်ချင်စိတ်က မရှိ။ ဘလော့ပဲ ရေးချင်နေသည်။ ဒီနေ့တော့ ငယ်ငယ်က အထက်တန်းကျောင်းမှာ ဆိုးခဲ့တာတွေကို ရေးချင်ပါတယ်။ သီရိတို့ မောင်နှမတွေ အားလုံးက သူငယ်တန်းကနေ ၁၀တန်းအောင်တဲ့ အထိ ကျောင်းတစ်ကျောင်း ထဲမှာပဲ တက်ခဲ့တာဆိုတော့ ကျောင်းက ဆရာမတွေနဲ့လည်း အကုန်သိ.. မေမေကလည်း ကျောင်းက အမှုဆောင်ထဲပါတော့ ပိုဆိုး။ ဟိုးငယ်ငယ် ကတည်းကနေ ၈တန်း အထိတော့ နာမည် ကောင်းရပါတယ် လိမ္မာတယ်ပေါ့.. အဲ.. ၉တန်းလည်း ရောက်ရော.. ရုံးခန်းရောက် တာလည်း ခဏခဏ.. ဒဏ်ပေးခံ ရတာလည်း ဘယ်နှခါမှန်း မသိ။ တကယ်တော့ သီရိတို့က ဆိုးတာ မဟုတ်ပါဘူး.. သီရိတို့ အတန်းပိုင်က ဆိုးတာ.. နာမည်ကြီး။ သူ့အတန်း ရောက်ရင် ဘယ်လောက် လိမ္မာတဲ့ သူဖြစ်ဖြစ် ဆိုးသွားတာချည်းပဲ။ သူကဆိုးတော့ ကျောင်းသား တွေကလည်း သူ့ကို အရွဲ့တိုက်ကြ။

ဘယ်လောက်ထိ ဆိုးလည်း ဆိုရင် သူလိုက်ရိုက်ရင် ကျောင်းသားတွေက အခန်းပတ်ပြေးကြတယ်။ သူက ဝတော့ မလိုက်နိုင်ဘူးလေ။ တစ်ခါတစ်လေဆို ကျောင်းသားတွေက သူ့သောက်ဖို့ ဝယ်ထားတဲ့ လက်ဖက်ရည်တွေ ခိုးသောက်ကြ.. ပြီးတော့ လက်ဖက်ရည် အစား ရေတွေရော။ တစ်ခါကတော့ သူ သီရိတို့ သူငယ်ချင်း အဖွဲ့ကို တော်တော် ဒေါခီးသွားပါတယ်။ ကျူရှင်တစ်ခုက စာမေးပွဲရှိလို့ အဖွဲ့လိုက် ကျောင်းပျက်ကြတာလေ။ အဲ.. ခွင့်မဲ့ ပျက်တာ မဟုတ်ဘူးနော်။ ခွင့်တိုင်ပြီးမှ ပျက်တာကို သူက ရန်လုပ်တယ်လေ (အဲ့ ကျူရှင်က သူသင်တဲ့ ဘာသာ မို့လို့ပါ)။ ဒါနဲ့ နောက်နေ့ ကျောင်းလာလာချင်း ကျောင်းပျက်တဲ့သူ အားလုံးကို မတ်တပ်ရပ်ခိုင်း ၊ နောက်ပြီး နင်တို့အားလုံး နောက်တစ်ခါ ကျောင်းမပျက်ပါဘူး ဆိုတဲ့ ဝန်ခံလက်မှတ် ထိုးရမယ်တဲ့။

အဲ့ဒီမှာ သီရိသူငယ်ချင်း (အတန်းပိုင် မျက်မုန်း အကျိုးဆုံးသူပါ) တစ်ယောက်က ဆရာမ အဲ့လိုတော့ လက်မှတ် မထိုးနိုင်ဘူး ဆိုပြီး ပြောပါလေရော။ နေမကောင်းရင် ဘယ်လိုလုပ်မလဲတဲ့.. နေမကောင်းရင်လည်း ကျောင်းလာ ရမှာလား ဆိုပြီး ပြောတော့ အတန်းပိုင် ပေါက်ကွဲ သွားပါတယ်။ လာ.. နင်တို့ အားလုံးလိုက်ခဲ့.. ရုံးခန်းသွားမယ် ဆိုပြီး ကျောင်းအုပ်ဆီ ပါသွားပါလေရော (ကျောင်းအုပ်နဲ့ သူနဲ့က ငယ်သူငယ်ချင်းတွေပါ)။ ရုံးခန်းကို အယောက် ၂၀လောက် ပါသွားတာပါ။ အုပ်စုလိုက်ကြီး ပျော်ပျော်ပါးပါး ပြုံးစိပြုံးစိနဲ့ ပါသွားကြတာပါ။ တစ်ယောက်မှလည်း စိတ်ညစ် မနေပါဘူး.. အားလုံးက အတန်းပိုင်ကြီးကို ကြည့်ပြီး ရီချင်နေ ကြတာပါ။ နောက်တော့ ကျောင်းအုပ်က ခွင့်စာရွက်တွေကို ကြည့်ပြီး ခွင့်ရက် အများဆုံးသူ ၅ယောက်ကို မိဘခေါ်ပါတယ်။ သီရိဝင်းထိုက် တို့က ရှေ့ဆုံးကပေါ့။

နောက်နေ့ မိဘတွေခေါ်လာတော့ ကျောင်းသားမိဘတွေ အားလုံးက ကျောင်းအုပ်နဲ့ အသိ ဖြစ်နေပါတယ်။ အဲ့ဒီတော့ ကျောင်းအုပ် ခမျာလည်း ဆူရအခက် ၊ အော်ရအခက် ၊ ရိုက်ရအခက်ပါ။ နောက်ဆုံးတော့ “နောက်ကျောင်း မပျက်တော့ပါဘူး” ဆိုတဲ့ စာကြောင်းကို ၅ယောက်ပြိုင်တူ ၅ခါအော်ခိုင်းပြီး ပြန်လွှတ်လိုက်ပါတယ်။ အတော်လေးကို ရီချင်စရာပါ.. ရိုက်သာခံ ရရင်တော့ အဲ့လိုရီနိုင်မယ် မထင်ပါဘူး။ သီရိတို့ ကျောင်းက အရိုက်ကြမ်းတဲ့ နေရာမှာ နာမည်ကြီးပါ။ ဘယ်သူ့ကို ဖက်ပြီး အရိုက်ခံချင်လဲ.. နန္ဒာလှိုင်လား ခိုင်သင်းကြည်လား.. ဟဲ.. အဲ့ဒါ ကျောင်းက တိုင်လုံးကြီးတွေကို နာမည်ပေးထားတာပါ။ ကျောင်းသားကို တိုင်ဖက်ခိုင်းပြီး နောက်ကနေ ဆရာက သူ့အရပ်ထက် ရှည်တဲ့ ကြိမ်လုံးနဲ့ အားကုန် ဆော်တာပါ။ သီရိ အကိုတွေဆို ခဏရင်း အဆော်ခံနေကျ။

အဲ့ဒီအတန်းပိုင်နဲ့ သီရိနဲ့က တစ်ရပ်ကွက်ထဲ နေတာပါ။ အမေတို့နဲ့က ဟိုးအရင်ကတည်းက အသိ.. အတန်းပိုင်က တစ်ခါတစ်လေ အိမ်ထိလိုက်ပြီး တိုင်တာပါ။ ဟီး.. အမေတို့ကလည်း အဲ့ဒီဆရာမ အကြောင်း သိပြီးသား ဆိုတော့ အေးဆေးပါ။ တစ်ခါကလည်း သူလုပ်တာနဲ့ သီရိသူငယ်ချင်း နှလုံးရောဂါသည် ရောဂါဖောက်လို့ သူ့အိမ်က ချက်ချင်းလိုက်လာပြီး ဆေးရုံပို့ လိုက်ရတဲ့ အဖြစ်။ အဲ့ဒီအချိန် ကစပြီး သူလည်း သိပ်မပြောရဲ တော့ပါဘူး။ ကျောင်းအုပ်က သူ့ကို ခေါ်ပြီး ကြိမ်းလိုက်တာလေ။ နောက်ဆုံး ကျောင်းပိတ်ခါနီး ဆရာကန်တော့ပွဲ မှာတောင် ပြဿနာက တက်သေး။ သီရိတို့ သူငယ်ချင်း တစ်တွေ စုပြီး ဆရာ ဆရာမတွေ အားလုံးကို ညီတူညီမျှ ကန်တော့တာကို တစ်ခြား ဆရာတွေကို လျှော့ကန်တော့ဖို့ ပြောတာပါ(သူ့ကို ပိုပြီး အရေးပေး စေချင်တာပါ)။ တကယ်ကို တွေ့ဖူးသမျှထဲမှာ အဆိုးဆုံး ဆရာပါပဲ။ စိတ်ထား မကောင်းတာတော့ မဟုတ်ပါဘူး။ ဘယ်လိုပြောရ မှန်းလည်း မသိပါဘူး။

ငယ်ငယ်တုန်းက အကြောင်းတွေ တွေးလိုက်ရင်တော့ ရီချင်စရာတွေချည်းပါပဲ။ Bigbag သီချင်းထဲကလိုပေါ့.. အတိတ်ကို ပြန်စဉ်းစားရင် ရုပ်ရှင်ကြည့်ရ သလိုပဲ ဆိုတာ အတော်မှန်တာပါ။ ဒီအကြောင်းရေးနေတဲ့ အချိန်မှာ သီရိတို့ ကျောင်းကြီးနဲ့ သူငယ်ချင်းတွေ.. ဆရာမရဲ့ ပုံရိပ်တွေကို ပြန်ပြီး မြင်ယောင်လာမိပါတယ်။ လွမ်းစရာကောင်းတဲ့.. တစ်ချိန်က ကျောင်းတော်ကြီးရယ်.. ငါဘယ်အချိန် နင့်ဆီ လာလည်နိုင်မလဲလို့ တွေးရင်း.. စာကျက်ရပါဦးမည်။ တော်သေးပြီ။

Monday, November 17, 2008

ရထားနှင့် ခရီးတစ်ခေါက်

စင်္ကာပူက ရထားတွေကို တစ်ခါတစ်လေ အရမ်းကြာတယ်လို့ တွေးမိတယ်... တစ်နေရာရာ ရောက်ဖို့ သွားနေတာ အကြာကြီးပဲလို့ စိတ်ထဲထင်မိတာ တကယ်က ခရီးက ဝေးတာပါ။ ဒါပေမယ့် နောက်ဆို အဲ့လို ဘယ်တော့မှ ထင်တော့မှာ မဟုတ်ပါဘူး။ ဒီတစ်ခေါက် မြန်မာနိုင်ငံကို ပြန်တော့ ရန်ကုန်က မန္တလေး အပြန်မှာတော့ လေယာဉ်စီးတယ်။ မန္တလေးကနေ ရန်ကုန်ကို ပြန်တော့ ရထားစီးချင်တာနဲ့ ရထားနဲ့ ပြန်တာပေါ့ (မွန်သီရဲ့ မန္တလေး-ကသာ လမ်းမှာ ရထားပေါ်က လှမ်းရိုက်ထားတဲ့ ဓာတ်ပုံတွေကြောင့်လည်း ပါပါတယ်)။

ရထားက ၉း၄၅မိနစ်မှာ ထွက်တာပါ။ ထွက်တာကတော့ အချိန်မှန်ပါတယ်။ ဒါပေမယ့် ရထားပေါ်တက်တက်ချင်း ခံစားလိုက်ရတာကတော့ ရထားကြီးက စုတ်လိုက်တာလို့။ အရင်က ရထားတွေကမှ ကောင်းပါသေးတယ်။ အခုဟာက တရုတ်ကပို့လိုက်တဲ့ ရထားအသစ်ကြီးဆိုပဲ။ ရထားတစ်စီးလုံး ကြည့်ကြည့်... သစ်တဲ့နေရာဆိုလို့ တစ်နေရာမှကို မရှိတာ။ တရုတ်ပြည်မှာ စုတ်လွန်းလို့ ဘယ်သူမှ မစီးတော့တဲ့ ရထားတွေကို ပို့လိုက်တာပဲ ဖြစ်မှာပါ။ အဲကွန်းလေး တီဗွီလေးတောင် မပါရှာပါဘူး။ စထွက်တုန်းကတော့ နည်းနည်း မြန်ရှာ သလိုလိုပါပဲ။ ဒါပေမယ့် အဲ့လိုမြန်တာ နာရီပိုင်းလောက်ပဲ ရှိပါသေးတယ် .. အရှိန်က နှေးသွားလိုက် ဟိုမှာ ရပ်လိုက် ဒီမှာ ရပ်လိုက်နဲ့ တော်တော်ကို စိတ်ကုန်ဖို့ ကောင်းတာပါ။ အခုလည်း ရထားပေါ်မှာ အရမ်းကို ပျင်းနေတာနဲ့ စက်ဖွင့်ပြီး ရိုက်နေတာပါ။

ဆိုးတာက ပျဉ်းမနားမှာ အင်း.. နေပြည်တော်လို့ပဲ ခေါ်ခေါ်ပေါ့နော်... ဆိုကရေးတီး ပြိုင်မယ့်သူတွေပါတော့ ဗိုလ်မှူးက လာကြိုပါတယ်။ ရထားက ဗိုလ်မှူး အိပ်ရာထမယ့် အချိန်နဲ့ ကွက်တိ ဝင်နိုင်အောင် တစ်လမ်းလုံး ဖြည်းဖြည်း မောင်းလာတာပါ။ စဉ်းစား ကြည့်ကြပါ.. စီးလာတဲ့ ခရီးသွားတွေရဲ့ အချိန်တွေကိုမှ အားမနာ။ သူတို့ဆင်းတာကလည်း အကြာကြီးပါ။ နောက်ပြီး ပျဉ်းမနားမြို့ထဲမှာဆို ရထားက အမြန် မမောင်းရဘူးလား မသိပါဘူး.. တကယ့်ကို လိပ်နှုန်းနဲ့ မောင်းနေတာပါ။ သူ့ဟာသူ နှေးတာက ကိစ္စမရှိဘူး .. ကိစ္စရှိတာက ရပ်ရင် ဒါမှမဟုတ် နှေးနှေးလေး မောင်းရင် အိမ်သာက အရမ်း နံတာပါပဲ။ နောက်ဆို ဘယ်တော့မှ ရထားမစီး တော့ပါဘူး။ အချိန်ကုန် လူပန်း စိတ်ဆင်းရဲ ပျင်းလို့က သေတော့မယ်။ ဒါတောင် ရထားလက်မှတ်က ၃ရက်ကြိုဝယ်တာ မရလို့ အတွင်းလူနဲ့ ဝယ်ခိုင်းရတဲ့ အဖြစ်ပါ။

စဉ်းစားသာ ကြည့်ကြပါ... ဒီလို ရထားစုတ်ကြီးကိုတောင် အလုအယက်စီးနေရတဲ့ ကျွန်မတို့ မြန်မာနိုင်ငံက လူတွေ သနားစရာပါ။ ကျွန်မစီးတာက အထက်တန်းမို့ တော်ပါသေးတယ်.. တော်သေးတယ်ဆိုပေမယ့်လည်း တော်တော်ကို မသန့်တာပါ။ ရိုးရိုးတန်းများဆို ဘယ်လိုများနေမလဲလို့ စဉ်းစားမိပါတယ်။ မေမေကတော့ ကားပဲ ကြိုက်တယ်တဲ့.. မနက်လင်းရင် ရန်ကုန်ရောက်လို့တဲ့။ ဟုတ်တော့ ဟုတ်ပါတယ်.. ဒါပေမယ့် ကားက စီးရတာ တော်တော် ကျဉ်းကျပ်ပါတယ်။ အကောင်းဆုံး ကတော့ လေယာဉ်ပါပဲ.. ၁နာရီဆို ရောက်ပြီ။ ကော်ဖီနဲ့ မုန့်နဲ့လည်း ကျွေးသေးတယ်.. အေးဆေးပဲ။ အိမ်ကကားနဲ့ သွားရင်လည်း ဒုက္ခ ရောက်တာက အိမ်သာသွား ရတာပါပဲ။ လမ်းမှာ အိမ်သာ သွားချင်ပြီဆို ဆိုင်သေးသေး လေးဖြစ်ဖြစ် နည်းနည်းကြီး တာဖြစ်ဖြစ် အိမ်သာက မသန့်တာ များပါတယ်။

ကဲ.. ရထားကိစ္စ ပြန်ဆက် လိုက်ဦးမယ်။ အဲ.. အခုတော့ နည်းနည်း ပြန်မြန်လာပါပြီ။ ဒါပေမယ့် တောင်ငူတောင် မရောက် သေးပါဘူး... ရန်ကုန်ကို ဘယ်အချိန်မှ ရောက်ပါ့မလဲ မသိဘူး။ မနေ့ည ကတည်းက ခုချိန်ထိ ရေဆို ၂လုတ်ပဲ သောက်ရ ပါသေးတယ်။ ရှူပေါက် ချင်မှာစိုးလို့ ရေမသောက် ရဲတာပါ။ အိမ်သာသွားရမှာ အတော်ကို ဝန်လေးစရာ ကောင်းပါတယ်။ ပြောတုန်းဆိုတုန်း အရှိန်က နှေးသွားပြန်ပါပြီ။ စိတ်တိုလာပြီနော်.. တစ်နာရီ တစ်မိုင်နှုန်းနဲ့များ သွားနေသလား မသိဘူး။ အဲ့လိုတော့ မဖြစ်ကောင်းပါဘူး .. အဲ့လိုသာဆို နာရီ ၄၀၀ကျော်လောက် ကြာသွားမှာ ပေါ့နော်။ ဒါပေမယ့် ရထားကြီးကိုတော့ နာမည်ပြောင်း ပေးချင်ပါတယ် ... အနှေးရထားလို့။ နှေးသွားပြန်ပြီ.. ရပ်ဦးမှာလား မသိပါဘူး... စိတ်ကုန်ပါတယ်။

အပေါ်မှာ ရေးထားတာ တွေကတော့ ရထားပေါ်မှာ စိတ်ညစ်ညစ်နဲ့ ရေးခဲ့တာတွေပါ။ ကျွန်မ အဲ့ဒီရထားပေါ်မှာ နာရီ ၂၀ ကျော်အောင် နေခဲ့ရပါတယ်။ ညနေ ၆နာရီလောက်မှ ရန်ကုန်ကို ရောက်တာပါ။ ပြန်တွေး ကြည့်တိုင်းလည်း စိတ်ညစ်ပါတယ်။

မိုးသည်းတဲ့ နေ့တစ်နေ့

ဒီနေ့ မနက်မိုးလင်းတော့ နေမသာ မိုးမအုံ့ အခြေအနေလေးပါ။ ရေချိုးပြီး ကျောင်းသွားဖို့ ထွက်လာတော့လည်း ရာသီဥတုက သာသာယာယာပါပဲ။ ဒါပေမယ့် ကျောင်းလည်း ရောက်ရော.. မိုးတွေက တော်တော်လေး အုံ့နေပါတယ်။ အိမ်သာထဲ ခဏဝင်ပြီး ထွက်လာတော့ မိုးတွေရွာနေပါပြီ။ ဪ.. စင်္ကာပူရယ်.. အပြောင်းအလဲ မြန်ပါပေ့။ ကျောင်းမှာ project လုပ်ဖို့ သူငယ်ချင်းတွေနဲ့ ချိန်းထားတာပါ။ ချိန်းထားတဲ့ သူတွေကလည်း မရောက်သေးဘူး ဆိုတော့ lab ထဲလည်း တစ်ယောက်ထဲ သွားမနေချင်တာနဲ့ စာသင်ဆောင် တစ်ခုအောက်မှာ တစ်ယောက်တည်း သွားထိုင်နေပါတယ်။ ခဏကြာတော့မှ သူငယ်ချင်း ၂ယောက် ရောက်နေမှန်း သိတာနဲ့ သူတို့ဆီ သွားလိုက်ပါတယ်။ နောက်တော့ ထမင်းစားချိန် ရောက်တာနဲ့ food court ကို သွားပြီး ထမင်းစား.. မိုးကလည်း သည်းကြီး မည်းကြီး ရွာနေတုန်းပါပဲ။ ထမင်းစားပြီးတဲ့ အချိန်မှာ ပိုပြီး သည်းလာပါတယ်.. လေတွေပါ တိုက်လာတယ်။ အိုး.. ချမ်းပြီပေါ့ SALC အောက်မှာဆိုတော့.. အဲ့ဒီနေရာက ကျောင်းသားတွေ စာလုပ်ဖို့ ဒါမှမဟုတ် ထမင်းစားဖို့ လုပ်ပေးထားတဲ့ နေရာပါ။ တဖက်က ဘောလုံးကွင်းနဲ့ ဆက်နေပြီး လေဟာပြင်ဆိုတော့ မိုးရွာပြီး လေတိုက်ရင် အတော်လေး ချမ်းပါတယ်။ ဒါနဲ့ မနက်ကတည်းက သောက်ချင်ပေမယ့် ရင်တုန်မှာစိုးလို့ မသောက်ခဲ့ရတဲ့ ကော်ဖီကို သွားသတိရမိပါတယ်။ အဲ့လို မသောက်ခဲ့တဲ့ ကြားကကို ရင်ကတုန်နေ ပါသေးတယ်။ ဒီလိုဆိုတော့လည်း ဖြေဆေးပေးတဲ့ အနေနဲ့ ကော်ဖီပဲ ပြန်သောက် ပေးလိုက်ပါတယ် (သိတယ်မလား တရုတ်ကားတွေ ထဲကလို အဆိပ်ကို အဆိပ်နဲ့ ပြန်ဖြေသလိုပေါ့)။ မိုးအေးအေးလေးမှာ ကော်ဖီလေး တစ်ခွက်နဲ့ အရမ်းကို အရသာ ရှိပါတယ်။ တိတ်ဆိတ်မှုလေးသာ ထပ်ဖြည့်ပေးလိုက်ရင် ပိုပြီး ပြည့်စုံသွားမှာပါ။

Sunday, November 16, 2008

လူတွေ ပြောကြလွန်းသော အချစ်အကြောင်း

အချစ်.. အချစ်.. အချစ်.. လူတိုင်းလိုလို ပြောနေကြသော အချစ်။ ကျွန်မ မသိသေးသော အချစ်။ ပတ်ဝန်းကျင်မှာ ရှိတဲ့လူတိုင်းလိုလိုက အချစ်အကြောင်း ပြောနေကြတော့ နည်းနည်းတောင် စိတ်ဝင်စား သလိုလို ဖြစ်လာတယ်။ အဓိပ္ပာယ်ဖွင့်လို့ မရတဲ့ အချစ်ကို လူတွေက အမျိုးမျိုး အဓိပ္ပာယ် ဖွင့်ကြတယ်။ သီရိကတော့ အချစ်ဆိုတာကို အချစ်လို့ပဲ မြင်ပါတယ်။ အချစ်ဆိုတာ အဓိပ္ပာယ် ဖွင့်ဖို့မဟုတ်ဘူးလို့ ထင်ပါတယ်။ ဒီလိုပါပဲ.. လူတွေက မလိုတဲ့ အပိုတွေကို လုပ်နေကြတာပါပဲ။

သူငယ်ချင်းတစ်ယောက်ကပြောတယ်..If you can see an imperfect man as perfect, then you are in love for sure. ဒီစာကြောင်းလေးကိုတော့ သဘောကျပါတယ်။ တကယ်ချစ်ပြီဆိုရင်တော့ အဲ့ဒီလိုပဲ ဖြစ်ပါလိမ့်မယ်.. “အချစ်မှာ မျက်စိမရှိဘူး” ဆိုသလိုပေါ့။ ပြောရရင်တော့ အချစ်မှာ မျက်စိတင် မကပါဘူး.. ဦးနှောက်လည်း မရှိပါဘူး။ လူတွေက အချစ်နဲ့ ပက်သက်လာရင် ရူးရူးမိုက်မိုက် လျှောက်လုပ်တတ် ကြပါတယ်။ တစ်ခါတစ်လေတော့လည်း စဉ်းစားမိပါတယ် လူတွေက ကိုယ်လုပ်ချင်တာတွေ လျှောက်လုပ်ပြီး အချစ်ကိုများ လွှဲချကြသလားလို့။

သီရိကတော့ မချစ်တတ် သေးလို့ပဲလား မသိဘူး.. အချစ်ကြောင့် ရူးသွပ်ကြ တာတွေကို တကယ်ကို လက်မခံနိုင်ပါဘူး။ နောက်ပြီး Forever Love ဆိုတာလည်း သီချင်းတွေ ကဗျာတွေ ဝတ္ထုတွေ ထဲမှာပဲ ရှိတဲ့အရာ များလားလို့။ အပြင်မှာတော့ တစ်ခါမှ မမြင်ဘူးသေးပါဘူး။ အပြင်မှာ မြင်ဖူးတာတွေကတော့ သစ္စာဖောက်မှုနဲ့ အသဲကွဲမှုတွေပါပဲ။ လက်ထပ်ပြီးသားသူ တော်တော်များများ ဆီက ကြားရတာတွေကတော့ မကောင်းတာတွေချည်းပါပဲ။ ကလေးကြောင့်မို့သာ ဆက်ပေါင်းနေရတာတို့ ၊ နာမည်ပျက်မှာစိုးလို့ မကွဲတာတို့ ၊ ကွဲမထူး မကွဲမထူးမို့ သည်းခံနေကြတာတို့.. အို.. စုံနေတာပါပဲ။ ဒီလိုဆိုတော့ သူတို့တွေက မချစ်ပဲ လက်ထပ်ခဲ့ကြတာလား ဆိုတော့လည်း မဟုတ်ပြန်ပါဘူး။ ချစ်လွန်းလို့ တူတူနေချင်ပါတယ် ဆိုပြီးမှ လက်ထပ်ခဲ့ကြတာပါ။ ပထမတစ်နှစ်လောက်ကတော့ ကောင်းကြပါသေးတယ်.. သွားအတူ.. လာအတူ.. စားအတူ။ ဒါပေမယ့် နောက်တော့ ဘာဖြစ်သွားကြတာလဲ.. အချစ်ဆိုတာက ကုန်သွားတတ်တဲ့ အရာမျိုးများလား ..

လက်ထပ်ပြီးသား သူတွေပဲ ပြဿနာတက် ကြတာလားဆိုတော့ မဟုတ်ပြန်ပါဘူး။ လက်မထပ်ရသေးတဲ့ သူတွေမှာလည်း ပြဿနာက ရှိတာပါပဲ။ ယောက်ျားတွေကပဲ မကောင်းတာလား မိန်းကလေးတွေပဲ ဆိုးတာလား.. ကြုံဖူးတဲ့ case တွေကတော့ ယောက်ျားတွေ မကောင်းတာပါ။ အဲ.. နောက်တစ်ဖက်က မိန်းကလေး ဆိုးတာလည်း ပါတာပေါ့နော်။ တွေ့ဖူးတဲ့ စုံတွဲတစ်တွဲပါ။ ကောင်လေးက မချောပါဘူး.. သူရထားတဲ့ ကောင်မလေးက တော်တော်လှပါတယ်.. သူ့ကို ကြိုက်တဲ့သူတွေ အများကြီးပါ။ တွဲတာ ၂နှစ်လောက်ကြာတော့ ကောင်လေးဘက်က တဖြည်းဖြည်း ဖောက်လာပါတယ်။ သူ့ကို တခြားကောင်မလေး တစ်ယောက်က အီစီကလီလုပ်တော့ မခံနိုင်ပဲ ဟိုကောင်မလေးဘက် ပါသွားပါတယ်။ ဒီလိုနဲ့ သူတို့ ၂ ယောက် ပြတ်သွားပါတယ်။ ပြတ်သွားပြီးတော့မှ ပထမရည်းစားကို ပြန်ဆက်ပါတယ်.. အချစ်ဆိုတာ မရှိတော့မှ သိတတ်တဲ့ အရာမျိုးလား..

ကဲ.. ရေးတာလည်း နည်းနည်း ရှည်သွားပြီဆိုတော့ တစ်ခန်းရပ်ပါဦးမည်။